هيله

 

 

دا هر څه ولې؟

ليکوال:محمدجان"حسني"

 

هرې خوا كې وژل كيږولاوسلې دي

نن سبا مو په وطن کې جنګ جګړې دي

ټول بيكوره شو له ژونده يو بيزاره

هيلې مو شوې خاورې مړې زمونږ ډيوې دي

نښه كړي يو ټانكونو اوتوپونو

اور شعلې موپه كورونو را خپرې دي

نه مو دوست شته نه مو پاتې كوم خواخوږی

پل په پل بيا راروانې تورې شپې دي

شهيدان چې يي پلرونه شول جهاد کې

نن د هغو يتيمانو سترګې سرې دي

خدايه ولې دې دا حال پر مونږ راوستې

چې اوچتې مو د ځوان زاړه نعرې دي

پسرلی هم رانه په تيښته كې دې خدايه

نو باغچې ددې ګلبڼ مو بيا سپېرې دي

"حسني" ودان وطن له ربه غواړم

تل لاس په دعا يم دغه مې جملې دي

  

ليکونکی محمدجان حسنی 8:5 AM |  موضوع:   •